BOAS LECTURAS!

Ata setembro!

Sede felices e lede moito!

ROTEIRO LIBREIRO

Rematamos o curso cun roteiro por catro da librarías máis representativas de Compostela.
Primeira parada: COUCEIRO, onde María e Pablo nos contaron todo o proceso de encadernación e moitas curiosidades agochadas entre os seus libros.
LILA DE LILITH. Patricia explicounos a orixe da libraría e pasamos un bo anaco mergulladxs entre os seus andeis.
CRONOPIOS. Carmela e Xaco deixáronnos andar como pola casa.
KÓMIC. Un mundo por descubrir despois de 30 anos en Santiago.
Moitas grazas por facelo posible!

TODXS TERIAMOS QUE SER FEMINISTAS

A última xuntanza do curso xirou arredor do libro de Chimamanda Ngozi. E foron moitas os temas que saíron, desde cando fora a primeira vez que escoitaran o termo feminista ata os micro?machismos.

Tamén aproveitamos para visionar algunhas curtas, das que deixamos aquí o enlace.

Dream Gap. https://youtu.be/AY4gdH4E5qM
Mi hija quiere ser ingeniera. https://youtu.be/HK5B_GGkvwA
Micromachismos.https://youtu.be/g-AkphvsQ2c
O machismo non é pasado. https://youtu.be/I2VUZ-hcYBo

22 SEGUNDOS

Eva Mejuto  acompañounos desta volta.

Xantamos e conversamos con ela sobre como foi a orixe do libro. Hai que buscal nun conto para cativxs chamado Adán anda.

Falounos do documental El sexto sentido. Deixamos aquí o enlace por se vos apetece velo https://www.youtube.com/watch?v=PoJLRuS5D0U

Falounos de como nos alimentamos de relatos.
Falounos de como moitas historias non están contadas desde a perspectiva dunha persoa cativa ou adolescente.
Falamos de como a adolescencia é esa etapa onde existe gran preocupación polo que pensen os demais.
Falamos das redes sociais.
Falamos o autoconcepto, do entorno e da escola, así como da sociedade en xeral.
Falounos dos espellos e a mirada dos demais.
Falounos dos nomes e a carga simbólica tan grande que teñen para as persoas trans.
Falounos de Marcos.
Falounos da cuberta do libro.
Falounos de Suso e a súa presenza por ausencia.
Falounos da morte...



E faltaron tantas cousas das que falar.





Grazas, Eva, por vir e compartir o teu tempo con nós.

O CORAZÓN DE XÚPITER

Nesta nova xornada do club, lemos O corazón de Xúpiter, de Ledicia Costas.

Falamos da identidade dixital, da soidade, da desconfianza, das medusas e as súas predicións, das relacións homosexuais...

E tamén do final...ese final de Isla